Gjendja shëndetësore e një 68-vjeçari të diagnostikuar me kancer të përmasave të mëdha në veshkën e djathtë është përmirësuar dhe tashmë ai mund të vijojë me terapinë e rekomanduar nga mjekët specialistë.
E gjitha kjo është bërë falë bashkëpunimit në sallën kirurgjikale midis ekipit të mjekëve kirurgë urologë dhe mjekut kardiovaskular në spitalin Hygea.
Fillimisht 68-vjeçari u paraqit për një konsultë të specializuar në spitalin Hygea pasi prej disa kohësh kishte shqetësime të tilla si diskomfort abdominal, gjak në urinë dhe rënie nga pesha.
Pas konsultave dhe ekzaminimeve laboratorike dhe imazherike të kryera nga mjekët specialistë pacienti u diagnostikua me kancer në veshkën e djathtë.
Nga mjeku kirurg urolog Dr. Spyridon Gouvalis si fazë të parë të trajtimit i rekomandoi pacientit trajtimin me hormonoterapi për një periudhë 3 mujore. Qëllimi i kësaj hemoterapie ishte zvogëlimi i masës tumorale i cili u arrit me sukses. Pas kësaj pacienti 68-vjeçar iu nënshtrua ndërhyrjeve kirurgjikale si limfadenektomi inter dhe retro aorto–cavale, ndërhyrje kjo mjaft e vështirë dhe me rrezikshmëri të lartë, pasi mjaft pranë janë 2 enët më të mëdha të trupit të njeriut. Po ashtu iu nënshtrua një ndërhyrje për heqjen e tumorit së bashku me veshkën e djathtë pasi masa tumorale kishte dëmtuar veshkën.
Nga ndërhyrjet e bëra gjendja e tij është stabilizuar.
