Një 55-vjeçar, i cili bëri 33 vjet burg për shkak të një dënimi të gabuar për një tentativë vrasjeje, është shpallur i pafajshëm dhe është liruar.
Prokurori i qarkut Los Angeles, George Gascon, në një konferencë për media tha se Daniel Saldana dhe dy të tjerë u dënuan nën akuzat për “vrasje në tentativë, me dashje dhe me paramendim, si dhe për të shtëna” në një automjet që transportonte gjashtë nxënës të shkollës së mesme në vitin 1990.
Daniel Saldana, 55 vjeç, u dënua në vitin 1990 për sulmin me armë zjarri ndaj një makine që përmbante gjashtë adoleshentë ku dy prej studentëve u plagosën, por mbijetuan.
Sulmuesit i ngatërruan adoleshentët me anëtarë të bandës, thanë autoritetet.
Saldana ishte 22 vjeç në kohën e të shtënave dhe punonte me kohë të plotë si punëtore ndërtimi. Ai ishte një nga tre personat e akuzuar për sulmin. I dënuar për gjashtë akuza për tentativë vrasje dhe një akuzë për të shtëna në një automjet të pushtuar, Saldana u dënua me 45 vjet deri në burgim të përjetshëm.
Prokurori nuk bëri të ditur detaje të tjera të rastit, por ai i kërkoi falje Saldanës dhe familjes së tij.
“Pas një shqyrtimi të plotë të provave, ne kemi përcaktuar se Daniel Saldana u dënua gabimisht për disa akuza për tentativë për vrasje. Dhe kjo është dita që ne shpallim publikisht zotin Saldana se është një njeri i pafajshëm”, tha prokurori.
Sipas deklaratës, një seancë dëgjimore e lirimit me kusht në vitin 2017 zbuloi se Saldana “nuk ishte i përfshirë në të shtënat dhe nuk ishte i pranishëm”.
Nga ana e tij, Saldana tha: “Jam vetëm mirënjohës që jam gjallë çdo ditë”.
Duke theksuar se çdo ditë në burg ka “luftuar”, Saldana tha:
“Çdo ditë zgjohesh duke e ditur se je i pafajshëm. Zgjohesh dhe jam i mbyllur këtu në një qeli dhe bërtas për ndihmë dhe nuk e di sistemin ligjor ose nuk kam burime, para ose diçka të tillë, por thjesht e dija se kjo ditë do të vinte”. /Opinion.al
