Një shqiptar i arrestuar katër herë për trafik droge në Itali, që ndodhej në “arrest shtëpie” për të njejtën akuzë, është kapur sërish në flagrancë nga policia italiane teksa shiste drogë.
45 vjeçari shqiptar me inicialet L.S, ndonëse ishte arrestuar katër herë, nuk kishte hequr dorë nga shpërndarja e drogës.
Pavarësisht se qëndronte në arrest shtëpie, ai i kishte gati klientët, të cilët i shkonin në banesë në rrugën Del Ponte në San Lazzaro.
Dozat e kokainës shqiptari ua hidhte nga dritarja e shtëpisë, ndërkohë që paratë për mallin që blinin ia linin në oborrin e shtëpisë.
Me qetësi ai merrte paratë ose vetë, ose përmes gruas. Policia që po e ruante, kapi një nga klientët me dozën e drogës në dorë. Menjëherë bënë kontroll në banesën e shqiptarit dhe i zbuluan ‘magazinën’ e drogës.
