Një akuzë e PD-së se Erion Veliaj ka lëvizur me charter drejt Parisit të hënën e kësaj jave në shoqërinë e një biznesmeni çoi në zbardhjen e disa fakteve të reja. Bashkia mohoi me ngulm akuzat e PD-së, duke nxjerr axhendën e Veliajt të ditës së hënë dhe një biletë avioni low cost ku tregohej se ai ka qenë në Milano dhe jo në Paris. Por portali Lapsi.al botoi disa dokumente duke i hequr tashmë dyshimet nga Veliaj dhe duke i çuar tek zëvenëdësi i tij, Arbi Mazniku.
Bashkëngjitur këtij shkrimi janë dokumentet që tregojnë se n/kryetari i Bashkisë Mazniku ka udhëtuar me charter duke u nisur nga Rinasi në shoqërinë e dy biznesmenëve Alban Dabulla (djali i Arta Dades) dhe Artan Sheqeri. Bashkia e Tiranës ka përgënjeshtruar udhëtimin e Veliajt, por jo atë të Maznikut…
Referuar dokumenteve të publikuara nga Lapsi.al, në orën 10:00 të datës 16 Janar në dalje regjistrohet nënkryetari i Bashkisë së Tiranës, Arbjan Cvetko Mazniku, si person që do të udhëtonte me charter. (shih dokumentin më poshtë)
Menjëherë pas tij, në orën 10:01 kalon për të udhëtuar po me charter biznesmeni Alban Gëzim Dabulla (shih dokumentin)
1 minutë më pas, po për t’u ngjitur në charter në Rinas kalon biznesmeni Artan Halil Sheqeri, siç vërtetohet nga regjistri i policisë së Rinasit.
Në të dhënat e policisë së Rinasit nuk shënohet destinacioni i charter-it. Partia Demokratike thotë se ai ishte Parisi.
Një ditë me vonë nënkryetari i Bashkisë dhe dy biznesmenët kthehen në Rinas po me charter.
I pari në hyrje në Rinas regjistrohet Artan Sheqeri, në orën 18.22 të datës 17 janar, i dyti Dabulla në orën 18:23 dhe i treti Mazniku në orën 18.24 (shih dokumentat më poshtë).
