Është rritur numri i fëmijëve të infektuar me COVID-19 në vendin tonë. Këtë fakt e pohojnë edhe Specialistët e Institutit të Shëndetit Publik
Rovena Daja nga Instituti i Shëndetit Publik shprehet gjithashtu se më spitale janë shtuar rastet e të vegjëlve që kanë nevojë për trajtim.
“Ajo që shikohet më problematike është rritja në grup-moshën 0-14 vjeç. Sidomos tek fëmijët që shkojnë në kopsht dhe në çerdhe, ku janë rritur shumë rastet e shtrimit në spital të moshave 0-4 vjeç. Nënat në këtë periudhë duhet të kenë shumë kujdes pasi në qarkullim janë dy variantet Covid, Omicron dhe Delta dhe gripi i tipit A”, ka thënë Daja./ Opinion.al
