Instituti i Shëndetit Publik ka kryer një studim me nxënës të moshës 7 dhe 8 vjeç në skollat e Tiranës dhe Kamzës. Të dhënat që kanë dalë janë një kambanë alarmi për prindërit. Në qytetin e Tiranës shumë fëmijë të kësaj grupmoshe kanë rezultuar me probleme me mbipeshën, ose dhënë ndryshe obezitetin. Ana tjetër e medaljes është Kamza, ku 4 për qind e fëmijëve të intervistuar janë të kequshqyer. Pra janë nën peshë ose shumë të shkurtër. Po kështu një problem është verejtur edhe me shikimin.
“Rreth 4% e fëmijëve janë në peshë. Del e qartë se disa fëmijë ushqehen deri në një herë në ditë. Kryesisht këto ndodhi në Bashkinë e Kamzës, ndërsa pjesa tjetër ka më tepër probleme me obezitetin, mbipeshën. Një problem i madh tek fëmijët 7-8vjeç”, u shpreh Dritan Ulqinaku – drejtor i Autoritet Shëndetësor Rajonal për televizionin “Top Channel”.
Studimi është bërë në 15 shkolla të ciklit fillor në Tiranë dhe Kamëz ku janë intervistuar 800 nxënës dhe ku me përgjigjet e tyre të sinqerta ngrenë alarmin për fëmijët që po rriten. Por studimi, i cili përveç matjes trupore kishte dhe qëllim shikueshmërinë ka nxjerrë në dukje një tjetër shqetësim madhor ku fëmijë të kësaj moshe kanë mangësi të theksuara në shikim.
“Gjetëm fëmijë që nuk arrin të ndiqnin mësuesen, sepse nuk kishin bërë një vizitë tek okulisti. Kishin probleme me mësimet sepse nuk shikonin dot”, tha më tej Ulqinaku.
Por përveçse për prindërit ky studim duhet të jetë një kambanë alarmi për institucionet që të ndërhyjnë menjëherë nëpërmjet programeve të tyre për të parandaluare këto shqetësime që cenojnë fëmijët.
*Foto ilustruese
