Aktualitet

ISHP: Konfirmohen dy variantet e reja të Omikron në vendin tonë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:43 - 05/04/22 |
Opi Nion

Instituti i Shëndetit Publik ka informuar ditën e sotme se janë konfirmuar dy variantet e reja të Omikron në vendin tonë.

Përmes një njoftimi ISHP bën të ditur se janë konfirmuar variantet BA1 dhe BA2 të Omikron.

ISHP i bën apel të gjithë qytetarëve shqiptarë që të vaksinohen kundër Covid-19. Instituti i Shëndetit Publik thekson faktin se është i rëndësishën vaksinimi me të 3 dozat e vaksinës anti-Covid.

Instituti Shëndetit Publik informon qytetarët se në vendin tonë është konfirmuar prezencë në qarkullim e varianteve BA1 i Omikron dhe të BA2.

Nga laboratori i references në Gjermani, jemi informuar me prurjen e përgjigjeve të mostrave të derguara për sekuencim, ku nga totali i 556 mostrave ka rezultuar se sundon varianti BA1 i Omikron, por kemi edhe prezencë në qarkullim dhe të BA2. Gjithashtu në një % shumë të ulët dhe qarkullim të variantit delta.

Sipas të dhënave rezulton prezenca si më poshtë:

86%(476) janë mostra BA1

8.3%(46) janë mostra BA2

3% (18) janë mostra delta

Shpërndarja e rasteve BA2 është më e lartë në komunitet krahasuar me rastet spitalore. Siç ka ndodhur dhe në vendet e tjera ka gjasa që ky variant të kaloje në një variant dominues kundrejt varianteve të tjera për shkak të trasmetueshmërisë së lartë.

Instituti Shëndetit Publik, ju bën apel të gjithë qytetarëve të vaksinohen ndaj COVID-19 pranë qendrave shëndetësore ose pikave të përqendruara të vaksinimit.

Për mbrojtjen e shëndetit është i rëndësishëm vaksinimi me të treja dozat e vaksinës anti-COVID”,-thuhet në njoftim./Opinion.al

Pas