Temperaturat e ulëta dhe ditët e ftohta kanë sjellë edhe qarkullimin e shumë virozave dhe këto raste janë paraqitur për mjekim në spital.
Instituti i Shëndetit Publik ka bërë një apel për qytetarët për të patur kujdes të shtuar gjatë këtyre ditëve në mënyrë që të shmangin rrezikun nga gripi.
Gjithashtu ata kanë bërë të ditur se në Europë dhe Rajon po qarkullon virusi i A/H1 dhe për këtë arsye duhet të informohen mbi këshillat për të evituar problemet me virozat.
“Aktualisht qarkullon virusi A/H1 i cili gjithashtu qarkullon në gjithë shtetet e Europës dhe të rajonit.
Këshillohet të bëni kujdes ndaj të ftohtit dhe të informoheni mbi këshillat ndaj gripit,”-thuhet në njoftimin e ISHP-së.
Për të parandaluar dhe mbrojtur veten edhe të afërmit tuaj sipas njoftimit të ISHP-së duhet të keni kujdes me higjienën personale, evitoni ambientet e mbipopulluara dhe me shumë njerëz, të ruani një temperaturë të qëndrueshme brenda banesave tuaja etj.
Ndërsa në rastet kur jeni të prekur nga gripi duhet të qëndroni në shtëpi, kufizoni daljen në ambiente të ftohta, të konsumoni ushqime të ngrohta, të pini sa më shumë lëngje etj.
