Tre shqiptarë (dy të Kosovës, një i Shqipërisë) bashkë me 1 serb dhe 1 gjerman janë ndaluar në Bari teksa tentonin të vinin me traget drejt Durrësit. Autoritetet italiane në Bari i kanë bllokuar këtij grupi plot 156.151 euro të padeklaruara. Mediat italiane shkruajnë se paratë e pista kishin destinacion Shqipërinë.
Përveç tyre, Agjencia e Doganave në Bari dhe Guardia di Finanza thonë se kanë zbuluar edhe një italian dhe algjerian që kanë pasur para të padeklaruar, por drejtimi i tyre nuk ishte për në Shqipëri.
Në fund të Qershorit të këtij vitit në portin e Durrësit u bllokuan rreth 3,5 milionë euro të padeklaruara. Paratë ishin fshehur në dy makina tip “Toyota Yaris” dhe sipas hetimeve kishin mbërritur nga Ankona.
