Tre të rinj kanë rënë në prangat e policisë pasi u kapën në aeroportin e Rinasit duke tentuar të udhëtonin drejt italisë me dokumente të falsifikuara.
Sipas policisë, të rinjtë me iniciale P. C. 25 vjeç, A. K. 19 vjeç dhe E. H. 22 vjeç nga Tirana u kapën pas kontrolleve në vijën e dytë teksa do të udhëtonin në Bolonja.
Gjatë kontrollit policia gjeti dhe sekuestroi 3 letërnjoftimi italiane, 3 patenta italiane si dhe 3 dokumenta shëndetësore italiane, të dyshuara të falsifikuara.
Të rinjtë akuzohen për veprat penale “Falsifikimit të letërnjoftimeve, të pasaportave ose të vizave” dhe “Falsifikimi i dokumenteve”, të kryera në bashkëpunim./Opinion.al
