Ditën e djeshme, këngëtarja e njohur Fjolla Morina u filmua në shoqërinë e ish-të dashurit të Morena Tarakut, miliarderit iranian Sasha Sobhani.
Në një video të publikuar nga Sasha në Instastory, ata shfaqeshin në një club nate, teksa kërcenin pranë njëri-tjetrit dhe iraniani kishte etiketuar këngëtaren. Kaq mjaftoi që në media të përhapet me shpejtësi lajmi se ata mund të kishin nisur një marrëdhënie mes tyre.
Pas aludimeve të shumta, Fjolla mohoi gjithçka duke thënë se ata ishin vetëm shokë dhe mes tyre nuk kishte asgjë më shumë. Mirëpo, Sasha e ka nxjerrë bllof këngëtaren shqiptare nëpërmjet një postimi në Instastory ku shkruan shqip. Ai e quan Fjollën thjesht një fanse të tijën, e cila i kishte kërkuar ta bënte tagg në video.
“Sqarim për mediat, përsa i përket videos me Fjolla Morinën, është vetëm një fanse e imja e cila më kërkoi ta bëja tagg në Instagramin tim. Ju përqafoj.”- ka shkruar ai.
