Monitorimi i HashtagAL ka hedhur dritë mbi një tjetër fakt lidhur me shpërndarjen e tenderave publikë.
Një tender prej 450.000 dollarësh i është dhënë nga Ministria e Zhvillimit Urban një prej njerëzve më të afërt të Kryeministrit Rama, në kohën kur ishte Kryetar i Bashkisë Tiranë, nën/Kryetares së asaj kohe, Albana Dhimitrit.
Më 28 Dhjetor 2015, Ministria e Zhvillimit Urban shpalli si fituesit e tenderit për “Hartimin e Planeve të Përgjithshme Vendore për Kavajën Rrogozhinën dhe Beratin”:
Kopmaninë “Atelier 4” e futur në garë së bashku me “Institutin e Politikave Publike dhe Private (IP3)”.
Kompania “Atelier 4” është në pronësi të z.Alban Eftimi, kompania e të cilit është e e specializuar në projekte arkitekturore.
Ndërsa “Instituti i Politikave Publike dhe Private (IP3)” është një shoqatë që ka për Drejtoreshë Ekzekutive, znj. Albana Dhimitri. Ajo ka qenë nën/Kryetare e Bashkisë së Tiranës në kohën kur Bashkia drejtohej nga kryeministri Edi Rama.
Monitorimi i HashtagAL nxjerr në pah se kjo kompani prej dy vitesh ka fituar disa tendera publikë.
Por ndonëse si kompani ka objekt arkitekturën dhe planifikimin urban, “Atelier-4” operon dhe në tenderat e shëndetësisë, infrastrukturës dhe shërbimeve. “Atelier 4” lidh ortakëri me kompani që janë të profilit që kërkon tenderi.
Vlera e tenderit të fituar nga Dhimitri dhe Eftimi ishte 49 milionë e 653 mijë lekë, pra gati 450 mijë dollarë.
