Ish-Zonja e Parë e Amerikës, Michelle Obama, pranoi se po vuan nga depresioni.
“Më del gjumi në mes të natës sepse jam e shqetësuar për ndonjë gjë ose ndihem e rënduar. Përpiqem që të mbaj veten në formë, por gjatë karantinës ka pasur momente ku thjesht jam ndjerë shumë keq”, tha Obama gjatë një mesazh zanor të shpërndarë për publikun.
Obama tregoi se gjendja vjen për shkak të pandemisë së koronavirusit, marrëdhëniet racore në SHBA dhe e gjithë lufta politike që e rrethon.
Pas furisë që shkaktoi mesazhi i saj, Obama reagoi edhe me një status në Instagram, ku falënderonte ndjekësit për mbështetjen.
“Jam mirë, nuk keni arsye pse të shqetësoheni për mua”, tha ajo.
Ekspertët e shëndetit mendor kanë paralajmëruar se shumë njerëz do preken nga depresioni ose ankthi, për shkak të situatës krejt të pazakontë Covid në të cilën ndodhet njerëzimi./Opinion.al
