Diego Forlan insiston se e vetmja mënyrë që Arsenal mund të kthehet në një konkurrent serioz për të fituar titullin e Premier League është nëse Arsene Wenger largohet nga “Emirates Stadium”. Topçinjtë tashmë janë 12 pikë larg kryesuesve të Premier League Chelsea pas humbjes 3:1 kundër djemve të Antonio Conte-s të shtunën. Dhe ish-sulmuesi i Manchester United Florlan pretendon se njerëzit tani qeshin kur Arsenal përmendet si një kandidat i mundshëm për titull.
“Opinionet janë ndarë kur vjenë puna për Arsene Wenger,” shkruan Forlan për The National. “Është për të ardhur keq pasi ai është një trajner futbolli brilant, por ka diçka që nuk shkon aty. Ata nuk mund të vazhdojnë kështu, dhe nuk mund të quhen kandidatë seriozë për titull deri sa Wenger të jetë ulur në stol. Kur Arsenal përmendet si kandidat për titull, njerëzit tashmë fillojnë të qeshin pasi nuk e shohin si mundësi.”/ Telesport.al
