Thierry Henry është shfaqur për herë të parë si pjesë e stafit të Belgjikës që po nis një epokë të re nën drejtimin e ish-trajnerit të Everton, Roberto Martinez. Henry, një legjendë e Arsenalit dhe kombëtares franceze, pranoi ofertën e Martinez zgjatë javës së kaluar, për t’u bërë ndihmësi i tij te Belgjika, e cila synon të lërë pas shpine dështimin në Euro 2016 ku u eliminua në çerekfinale. Dyshja Martinez-Henry, që u takua për herë të parë me futbollistët që do të kenë në dispozicion do të debutojë në miqësoren e së enjtes kundër Spanjës. “Yjet” e Premier League si Eden Hazard, Kevin de Bruyne dhe Thibaut Courtois do të kthejnë vëmendjen te ekipi kombëtar.
Belgjika, që renditet në vendin e dytë të FIFA dhe konsiderohet si një nga ekipet me më shumë lojtarë të talentuar në dispozicion. “Djajtë” u eliminuan nga Uellsi në çerekfinalet e Euro 2016, ku pritshmëritë ishin shumë më të mëdha dhe kjo i kushtoi vendin e punës trajnerit Marc Wilmots. Martinez, i cili u largua nga drejtimi i Everton në sezonin e kaluar, ishte një zgjedhje e çuditshme, ashtu si preferenca e tij për të pasur Thierry Henry si krahun e djathtë Ish-sulmuesi i Arsenal do të ketë përvojën e parë si ndihmës-trajner profesionist. “I jam shumë mirënjohës për mundësinë që Roberto dhe Federata Belge e Futbollit më ka dhënë, – tha Henry sapo mbërriti në Belgjikë. – Eshtë një sfidë e re, shumë emocionuese.”
