Sulmuesi i Kombëtares, Rei Manaj, ka lënë fushën e stërvitjes i dëmtuar pasditen e sotme pas një dyluftimi që pati me ish-sulmuesin e Interit, Sulley Muntari.
Të dy lojtarët luajnë aktualisht për Albaceten në Ligën e Dytë Spanjolle.
Shqiptari po kalon një moment shumë të mirë me Albaceten që lufton për të qenë pjesë e Ligës së Parë sezonin e ardhshëm.
Ndërhyrja e Sulley Muntarit ndaj Rey Manaj ka qenë e dhunshme dhe jashtë pritshmërive.
Manaj ka ndjerë dhimbje të forta dhe është parë të largohej jashtë fushës.
Ai është parë të mbështetej te fizioterapistët, të cilët e kanë shoqëruar jashtë fushe.
Vetëm një muaj më parë, Manaj u dëmtua rëndë gjatë një dyluftimi duke dëmtuar hundën, gjë që ka shqetësuar stafin e Albacete për një dëmtim të dytë që mund ta lejë sërish jashtë fushe. Dl/ Opinion.al
