Kreu i Partisë Demokratike Sali Berisha ka akuzuar policinë se qëllimisht ka mbajtur të fshehtë emrin e zyrtares së Kryeministrisë, e cila është grabitur nga pastruesja Rozeta Dobi dhe djali i saj.
Duke ju referuar burimeve dixhitale, sikurse shprehet në një status në Facebook, Berisha pohon se zyrtarja ka qenë gjithashtu ish-shefe e kabinetit të ministrit Ahmetaj.
“Shuma përrallore vidhen tek këshilltarja e kryeministrisë!
Nënë e birë kishin vjedhur tek zyrtarja e lartë Kryeminstrise qindra mijëra euro. Policia në komunikatën e saj mban sekret emrin e zyrtares së vjedhur Alda Klosit, ish shefe e kabinetit të zv.Kryeministrit famoz Arben Ahmetaj, tani këshilltare në kryeministri mbasi del problem origjina e parave të vjedhura.
Burime dixhitale nga policia njoftojnë se shuma e gjetur tek nënë e birë është deri tani mbi 540 mijë euro. Kjo është shuma më e madhe e kapur ndonjëherë hajdutëve. Sipas këtyre burimeve hajdutët, parat i kanë gjetur të fshehura në dy dyshekë. Nerkohë policia ka marrë urdhër i prerë të mos përmendet emri i këshilltares së Kryeministrisë të zhytur në euro smeralde, safire flori dhe rubinë”, shkruan Berisha duke cituar mediat./Opinion.al
