Bota

Ish-presidenti Sarkozy sërish në gjyq, gjykata e deklaron fajtor për…


Bëhu pjesë e Grupit Zyrtar të Opinion.al
>> KËTU <<
               Publikuar në : 12:02 - 30/09/21 |
Opi Nion

Ish-presidenti francez Nicolas Sarkozy është përballur me një tjetër akuzë pasi një gjykatë e Parisit e shpalli atë fajtor për financimin ilegal të rizgjedhjes së tij në vitin 2012.

Sarkozy, i cili nuk ishte në gjykatë për të marrë verdiktin, ka mohuar akuzën dhe potencialisht mund të apelojë kundër vendimit, shkruan The Guardian.

Prokurorët thanë se pothuajse dyfishi i shumës maksimale të lejuar prej 22.5 milionë euro u shpenzua për fushatën, në zgjedhje që ai humbi përballë rivalit François Hollande të Partisë Socialiste.

Ai i tha gjykatës në qershor se nuk ishte përfshirë në logjistikën e fushatës apo në mënyrën sesi u shpenzuan paratë. Ndërsa Gjykata u shpreh se ai ishte vënë në dijeni për shpenzimet e tepërta.

Gjykata do të shpallë dënimin më vonë. Prokurorët po kërkojnë një vit burg, për 66-vjeçarin. Ai në çdo rast nuk ka gjasa të shkojë në burg menjëherë pasi pritet të apelojë kundër dënimit.

Kujtojmë se Sarkozy u shpall fajtor në një gjykim të veçantë në mars për përpjekje për të korruptuar një gjykatës dhe ndikim për marrjen e informacionnit konfidencial në një hetim gjyqësor.

Nicholas Sarkozy udhëhoqi Francën në periudhën nga 2007 deri në vitin 2012./Opinion.al

Pas