Gjenerali Pervez Musharraf, ish-president dhe lider ushtarak në Pakistan u dënua me vdekje pasi u shpall fajtor, gjatë një seance të posaçme në Islamabad.
Musharraf përballet me akuzën e tradhtisë së lartë, për një vendim të vitit 2007, për të pezulluar kushtetutën dhe për të shpallur gjendje të jashtëzakonshme, me synim të zgjatjes së mandatit të tij. Veprimet e tij shkaktuan protesta masive dhe Musharraf dha dorëheqjen më 2008.
Musharraf është udhëheqësi i parë ushtarak që përballet me një proces gjyqësor në Pakistan për pezullimin e Kushtetutës.
Ai ka marrë pushtetin me një grusht shteti në vitin 1999 dhe ka shërbyer si president i këtij vendi nga viti 2001 deri më 2008. Ai gjendet aktualisht në Dubai, pasi u lejua të largohej nga vendi për trajtim mjekësor në vitin 2016./Opinion.al
