Ish-presidenti i FIFA-s Sepp Blatter ka thënë se Anglia meriton të organizojë Botërorin e vitit 2030.
“Unë mendoj se Anglia meriton të organizojë Kupën e Botës. Ata kanë pasur atë në vitin 1966 kështu që është një kohë e gjatë që nga ajo kohë. Me Skocinë, Uellsin, Irlandën e Veriut dhe Irlandën ata do të jenë kandidatë që jam i sigurt se do të bindnin. Me 48 ekipe në Kupën e Botës, keni nevojë për më shumë se një vend për të pritur” ka thënë Blatter.
Ndërkohë të drejtën e organizmit të Botërorit të vitit 2022 e ka Katari, ndërsa Botërori i vitit 2026 do të zhvillohet në tre shtete, ku të drejtën e organizimit e fituan SHBA-ja, Kanadaja dhe Meksika pak ditë më parë.
Sepp Blatter u largua nga kreu i FIFA-s në vitin 2015, pas një skandali korrupsioni që shpërtheu me zyrtarë të saj.
