Bota

Ish-presidenti Bill Clinton shtrohet në spital


Bëhu pjesë e Grupit Zyrtar të Opinion.al
>> KËTU <<
               Publikuar në : 08:33 - 15/10/21 |
Opi Nion

Ish-Presidenti amerikan Bill Clinton është shtruar në spital për shkak të një infeksioni të traktit urinar që iu përhap me qarkullimin e gjakut, thanë mjekët e tij për CNN të enjten.

“Ai është në humor të mirë, ka folur me familjen dhe stafin dhe gjendja e tij është e qëndrueshme”, thanë mjekët dhe stafi i tij.

Ne një deklaratë të dhënë nga stafi mjekësor që kujdeset për të u tha se ai kishte marrë antibiotikë dhe lëngje. Mjekët shtuan se Clinton do të vijojë të qëndrojë në spital për “monitorim të vazhdueshëm”.

“Pas dy ditësh trajtimi, numri i qelizave të bardha të gjakut po zvogëlohet dhe ai po i përgjigjet mirë antibiotikëve”, u shprehën mjekët. “Ne shpresojmë që ai të kthehet në shtëpi së shpejti.”, vijuan ata.

Clinton, ishte në Kaliforni për një aktivitet privat të fondacionit të tij. Ai ishte ndjerë i lodhur të martën dhe u shtrua në spital pas analizave të kryera.

Mjekët e ish -Presidentit thanë se infeksionet urologjike janë shumë të zakonshme tek njerëzit e moshuar dhe ato trajtohen lehtësisht, edhe pse ato mund të përhapen shpejt me qarkullimin e gjakut./Opinion.al

Pas