Ish-prefekti i Fierit, ka përfunduar në prangat e policisë, pasi nëpërmjet mashtrimit, ka arritur t’i marrë dy shtetasve një shumë prej 260 mijë dollarësh dhe 50 mijë eurosh.
Në pranga përfundoi Bujar Hasa, 57 vjeç, banues në Tiranë, emri i të cilit korrespondon me atë të ish-prefektit të Fierit.
Në pranga përfundoi Bujar Hasa, banues në Tiranë, emri i të cilit korrespondon me atë të ish-prefektit të Fierit.
Operacioni i koduar “Kanadezi” u finalizua pas një pune hetimore prej 8 muajsh, ndërsa është shpallur në kërkim edhe një shtetas me iniciale P.P.
“Arrestimi i të sipërpërmendurit u bë pasi ky shtetas në bashkëpunim me shtetasin P.P., kanë mashtruar më anë të falsifikimit të dokumenteve, shtetasin Kanadez B.H., duke i marrë një shumë prej 260 000 (dyqind e gjashtëdhjetë mijë) dollarësh dhe shtetasin shqiptar D.M., duke i marrë një shumë prej 50 000 (pesëdhjetë mijë) Eurosh”, sqaron policia e Tiranë.
Materialet procedurale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën “Mashtrimi me pasoja të rënda i kryer në bashkëpunim” dhe “Falsifikimi i dokumenteve i kryer në bashkëpunim”.
