Hulio Sezar është një prej lojtarëve që fitoi gjithçka me fanellën e Interit.
Por pas një sezoni të suksesshëm me Interin në sezonin 2010, Sezar tregon të gjitha ngjarjet që kanë ndodhur gjatë gjithë kohës kur luante me këtë skuadër.
Gjatë një interviste për mediat braziliane ai tregon për raportet që ka pas me trajnerin Murinjo dhe ditën kur zgjodhi Interin.
“Isha shumë pranë firmës me një skuadër portugeze, por më telefonoi Adriano dhe ndryshova mendje”, shprehet Sezar.
Ndërkohë ai flet dhe për trajnerin Murinjo.
“Viti i parë me të ishte i shkëlqyer, ndërsa në të dytin unë pata disa probleme. Murinjo është një nga ata që nuk e pranon kurrë humbjen, në asnjë mënyrë. E vuante shumë momentin kur humbte. Është një trajner, për të cilin do të jepja gjithçka. Nëse je lojtar i tij, duhet të japësh gjithçka në të gjitha aspektet. Në të kundërt je jashtë”, tregon portieri.
Duke vijuar me tej për të zgjedhur mes Champions League dhe Kupës Libertadores, ai ka thënë se zgjedh këtë të fundit.
