Për gati 30 vite oficer në shërbimet e CIAS, Rolf Mowatt-Larssen është një emër i rëndësishëm nën shërbimet inteligjente amerikane.
Ndërsa ka shërbyer në programe të jashtme dhe të brendshme, ai shënon veçanërisht ekspertizë në çështje të lidhura me Rusinë, armët e shkatërrimit në masë, terrorizimin dhe inteligjencën. Personi i parë që kla identifikuar Al Zarqawain ai është një nga 5 zyrtarët më të lartë të CIA-s, ndërkohë që para luftës së Irakut dhe më pas ka qenë raportuesi i presidentit Bush pëer çështjet e terrorizmit.,
Në librin e tij “Mes CIA-s dhe besimit” ai sjell detaje interesante nga përvoja në shërbimet inteligjente, ndërkohë që gjatë një interviste me gazetarin Blendi Fevziu, tregon ndër të tjera edhe ngjarjet që paraprinë 11 Shtatorin si dhe rolin e Osama Bin Laden. “Bin Laden-in e vumë re në fillimet e viteve 1990. Dimë për të edhe përpara por askush, por vetëm një grup i vogël njerëzish e ndiqte atë vazhdimisht, jo duke përdorur kaq shumë burime. Me sinqeritet mund t’iu them se e nënvlerësuam”, shprehet ai ndër të tjera.
Pjesë nga intervista
B: Normalisht, CIA kur vendosi në shënjestër Osama Bin Laden-indhe Ayman Al-Zaëahiri-n? Ndoshta dy personat më të njohur, të dy të vrarë tashmë, Osama Bin Laden më duket para 12 vjetësh ndërsa Ayman Al-Zaëahiri vitin e kaluar. Kur u vunë në qendër të vëmendjes të CIA-s? Në cilin vit?
R: Bin Laden-in e vumë re në fillimet e viteve 1990. Dimë për të edhe përpara por askush, por vetëm një grup i vogël njerëzish e ndiqte atë vazhdimisht, jo duke përdorur kaq shumë burime. Me sinqeritet mund t’iu them se e nënvlerësuam…
B: Ju e nënvlerësuat…
R: E nënvlerësuam në atë kohë, deri më 11 shtatorin ndërsa më pas e mbivlerësuam pas 11 shtatorit sepse ishim të vendosur… në atë kohë ishim të vendosur të zhduknim tërë problemin që kishim nënvlerësuar para 11 shtatorit.
B: Cila ishte fuqia e vërtetë e Osama Bin Laden-it,Ayman Al-Zaëahiri-t dhe terroristëve të tjerë?
R: Do të merrni përgjigje të ndryshme nga çdo zyrtar i CIA-s. Përgjigja ime është shumë e thjeshtë. U shqetësova shumë menjëherë pasi u vendosa në sektorin e luftës kundër terrorizmit, pas 11 shtatorit sepse e shikoja Bin Laden-in si vizionar. Ai bashkoi militantët radikal në një vizion për të sulmuar Amerikën. Ideja ishte të rrëzonin Shtetet e Bashkuara ashtu siç mendon që kishin rrëzuar Bashkimin Sovjetik. Pra, vizioni i tij ishte shumë i madh. Ideja se mund të rrëmbesh 6 avionë dhe ti përplasësh në godina, të rrëzosh Kullat Binjake dhe të sulmosh Pentagonin ishte kaq qesharake për ne sa askush nuk e imagjinonte para se të ndodhte. Madje edhe tani kur i kthehemi pas, duhej ta kishim parashikuar.
B: Normalisht shumë njerëz nëpër botë pas 11 shtatorit mendonin, si është e mundur që disa persona nga një vend i huaj si Afganistani ku nuk ka ujë të pijshëm, telefona dhe komunikim dhe të organizojnë një sulm të tillë? Një sulm në zemrën e shoqërisë më të sofistikuar në botë.
R: Problemi qëndron tek mentaliteti i gabuar. Kur unë i jap mësim të rinjve i them Sun Tzu-n. Sun Tzu-ja thoshte: njihe vetën tënde dhe njih armikun dhe do të fitosh 100 beteja. Pra, të njohësh veten tënde do të thotë se duhet të jesh i përulur dhe të kuptosh se kundërshtarin mund të të surprizojë. Duhet ta njohësh kundërshtarin dhe asnjëherë të mos e nënvlerësosh. Duhet të kesh empati për objektivat dhe qëllimet e kundërshtarin pasi kështu do të kesh mundësinë ta shkatërrosh me më shumë efikasitet.
B: George Tenet, i cili është nga Shqipëria, prindërit e tij vijnë nga këtu, ka thënë në librin e tij të kujtimeve se mëngjesin e 11 shtatorit, duke ngrënë mëngjes me një prej senatorëve apo kongresmenëve, nuk e mbaj mend ekzaktësisht emrin, iu tha se problemi më i madh i Shteteve të Bashkuara tani ishte Osame Bin Laden-i. Dy minuta më vonë Osame Bin Laden-i u përgjigj duke sulmuar Nju Jork-un dhe Pentagonin në Uashington. Kjo do të thotë se CIA e ka pasur Osame Bin Laden-in në qendër të vëmendjes. Dështoi CIA të parandalonte ngjarjen e 11 shtatorit?
R: Në fillim dua të them se George Tenet nuk është vetëm një mik i imi, dhe një hero por po ashtu përmendet edhe në librin im. E di që është fakt që është shumë krenar për prejardhjen e tij shqiptare. Doja ta përmendja këtë. Ai e di se unë jam këtu këtë javë dhe është shumë gëzuar që unë do të eksploroj sado pak vendin. Kam qenë në stafin e tij të lartë mëngjesin e 11 shtatorit. Mund të them nga dëshmitë e mija personale, nga vëzhgimet e mija direkte se ne e dinim se do të goditeshim nga Osama Bin Laden-i dhe Ayman Al-Zaëahiri muaj para 11 shtatorit. E dinim. Pyetja ishte se ku dhe në çfarë mënyre dhe shkalla e sulmit…
B: Ju kishit informacion se diçka do të ndodhte…
R: Po.
B: Por nuk e dinin se si, me avion apo me diçka tjetër. Ju dinit vetëm se do të kishte një atentat të madh nga ai.
R: Ne dinim se do të ishte diçka e madhe. Dinim se mund të ndodhte brenda Shteteve të Bashkuara, dinim se do të ndodhte menjëherë. Do të ndodhte së shpejti por nuk pamë kohën.
B: Grupi i tij operacional le të themi se ishte jashtë vëmendjes tuaj.
R: Kjo është çka ndodhi. Kjo është arsyeja pse ne kemi spiunë mes nesh. Kështu terroristët veprojnë. Ne nuk dimë gjithçka. Më herët më pyetët për CIA-n. Ne na pëlqen që njerëzit të mendojmë se dimë gjithçka por fatkeqësisht nuk i dimë, sidomos në ato rrethana.
