Një nga 5 njerëzit më të rëndësishëm të CIA-s, ndërsa ndodhet në Tiranë, Rolf Mowatt-Larssen gjatë një interviste për emisionin “Opinion”, ndërsa ka rrëfyer detaje nga libri mbi jetën e tij, gjithashtu ka ndarë me gazetarin Blendi Fevziu edhe detaje pikante nga puna në shërbimet inteligjente.
Ndër të tjera, i pyetur lidhur me momentet më të vështira të jetës së tij, Moëatt-Larssen është ndalur tek kërcënimet nga terroristët dhe identifikimi i tradhtarëve brenda njësisë. “Kishim 4 spiunë të cilët në 1990 punonin për Rusinë. Dy ishin zyrtar të CIA-s dhe dy të FBI-së”, tregon ai ndër të tjera.
Pjesë nga intervista
B: Një prej pyetjeve të fundit, cili ka qenë një prej çasteve më të vështira të jetës tuaj, jo të jetës familjare, por të asaj profesionale.
R: Joshem të them fakti që u shënjestrova nga terroristë kryesisht sepse mendova se kjo mund të përfshinte familjen time. Ata mund të lëndonin familjen time, më shumë se mua. Megjithatë do të them puna për të kapur tradhtarët brenda njësisë tonë të cilët punonin për rusët në veçanti, dhe gjetja e tyre. Ka emra të ndryshme në historinë amerikane të kundër inteligjencës. Kishim 4 spiunë të cilët në 1990 punonin për Rusinë. Dy ishin zyrtar të CIA-s dhe dy të FBI-së. Pra, të jesh pjesë i procesit për ti kapur ato, është diçka shumë stresuese dhe zhgënjyese pasi në një far mënyre kur zbulon se një mik është tradhtar dhe punon për anën tjetër ndjehesh i tradhëtuar.
