Lulzim Basha deklaroi mbrëmjen e djeshme në studion e “Opinion” se Kryeministri Rama ka ndërmarrë një fushatë mediatike që synon të cënojë besueshmërinë e opozitës. Ai tha se për këtë fushatë janë paguar gazetarë, analistë dhe disa “pseudodemokratë”.
Kush janë pseudodemokratët? – U pyet Basha, por hezitoi të përmendë emra.
Sakaq sot vjen një intervistë që duket se fakton atë që tha Basha mbrëmë. Është Arben Imami, i njohur tashmë si kundërshtar i Bashës në radhët e demokratëve.
Ai ishte sot pasdite në emisionin “Top Talk” në TCH, ku u shpreh se Basha dhe Rama po ndajnë paratë bashkë.
“Punët shkojnë mirë. Paratë bëhen. E ka thënë Topalli në një konferencë më parë. Unë nuk kam guxuar të flas sepse nuk kisha ende fakte. Por tani kemi një pasqyrë të plotë që paratë po bëhen nga të dyja palët njësoj. Po ndahen paratë. Është shumë e qartë, që edhe prë marrëveshjen iu dha edhe një shumë jo e vogël në dorë. E gjithë PD po punon për të rritur pozicionin negociues të Lulzim Bashës për të marrë sa më shumë para nga Edi Rama”, u shpreh ish-ministri i qeverisë Berisha, Arben Imami.
Lexo edhe:
