Sipas ish-ministrit të Financave Arben Malaj qytetarët që kanë probleme me bankën ti drejtohen asaj qendrore.
“Kush ka ankesë për shërbimet financiare duhet ti drejtohet Bankës së Shqipërisë, por edhe të na vënë në dijeni. Të gjithë ata që kanë marrë kredi për shtëpi duhet të dinë se banesat e tyre janë të siguruara”,– u shpreh Malaj.
I ftuar në ABC News ai theksoi gjithashtu se tërmeti i datës 26 Nëntor ka shkaktuar shumë panik tek njerëzit.
“Tërmeti më i madh që po na vret deri tani është tërmeti i frikës, kultura jonë e sjelljes duhet të ndryshojë, sepse nëse njerëzit kanë krize psikologjike, kjo duhet të menaxhohet. Duhet një ndihmë financiare e menjëhershme që qeveria e bëri. Të krijohet solidariteti social që asnjë të mos vuajë, institucionet të fokusohen aty ku ka ndodhur fatkeqësia. Shoqata e Bankave duhet të nxjerrë njoftime edhe më të qarta, të sqarojnë çdo qytetar. E vetmja gjë e rëndësishme është të krijojmë një realitet të ri ekonomik dhe social”,-u shpreh ai./Opinion.al/
