Historia e importit të plehrave në Shqipëri ka nisur në kohën e Kryeministrit Fatos Nano. Në vitin 2004-n, ish-qeveria socialiste e Nanos autorizoi një konçesion të kobshëm 30-vjeçar tek një kompani italiane, që parashikonte djegien e mijërave tonelatave plehra në ditë rreth zonës së Kasharit në periferi të Tiranës. Konçesioni u firmos nga 3 ministra socialist të asaj kohe. Një prej tyre ishte Ben Blushi. Deputeti socialist, por jo rilindës, i vetëshpallur si një nga armiqtë më të mëdhenj të ligjit të miratuar një ditë më parë nga qeveria e Ramës, duhet ta ketë memorien e shkurtër. Rreth 12 vjet më parë, në maj të vitit 2004, ai vendosi firmën në një projekt po kaq të kobshëm sa ky i importit të mbetjeve, ndoshta edhe më të rrezikshëm.
Në atë kohë Blushi vuri firmën që i jepte shoqërisë “Albaniabeg Ambient” të Francesco Becchettit një koncesion prej 30 vitesh për të djegur mijëra tonelata plehra në ditë mu në zemër të Tiranës. Ky ishte një projekt katastrofik nga i cili shqiptarët shpëtuan falë rotacionit politik të 2005, pasi marrëveshja u anulua nga qeveria e Sali Berishës. “Albaniabeg”, në atë kohë me një kapital prej 17 mijë eurosh, ishte ngarkuar më parë për të ngritur një hidrocentral në Tepelenë.
Opozita e asaj kohe akuzonte se ajo e plehrave ishte një aferë gjigande korrupsione prej 180 milionë eurosh. Projekti parashikonte që “Albaniabeg” të digjte falas plehrat e shqiptarëve vetëm për 5 vjet. 25 vitet e ardhshëm do të shërbenin për të tretur ngarkesën e plehrave që do të vinin nga Italia. Sipas projektit, plehrat italiane do të importoheshin me anije, nga Brindisi në Durrës si “lëndë të para për djegie”.
Për të shmangur taksat doganore dhe për të mos alarmuar shumë opinionin publik”. Në atë kohë në Itali, projekti u pagëzua si një vepër e mafias ekonologjike. Corriere della Sera shkruante se konçesioni I firmosur nga Ben Blushi ishte një projekt i dyshimtë, një biznes i ideuar Ekomafia. Ben Blushi ishte një nga deputetët më aktivë kundër ligjit të miratuar nga maxhoranca e majtë në Kuvend. Ai foli për një ligj të sponsorizuar nga Mafia Ekologjike, dhe bëri një propozim të bujshëm publik; çdo deputeti që voton pro ligjit t’i shkruhet emir në një kosh plehrash. Tani mbetet vetëm një pyetje. Cili është koshi ku duhet shkruar emri i Blushit, firmëtarit të një nga projekteve më të kobshëm në historinë e Shqipërisë?/Syri.net
