Një ish-ministër konservator i Britanisë së Madhe ka reaguar ditën e sotme ndaj kryeministrit Edi Rama, pasi ai akuzoi sekretaren e Brendshme, Suella Braverman se me deklaratat e saj ndaj shqiptarëve që mbërrinin me gomone në Angli po nxiste ksenofobinë.
Ish-ministri i Arsimit dhe Zyrës së Kabinetit, Brendan Clarke-Smith tha për MailOnline: Unë nuk mendoj se është ksenofobike të duash një sistem të fortë, por të drejtë imigrimi.
Kryeministri Edi Rama pretendon se Britania po bëhet një ‘çmendinë’ dhe akuzoi Sekretaren e Brendshme se po sulmon shqiptarët për të justifikuar politikat e saj të dështuara të emigracionit dhe të ruajtjes së kufijve, duke paralajmëruar se Britania duhet ta trajtojë Shqipërinë me respekt nëse dëshiron të nënshkruajë një marrëveshje kthimi të shpejtë.
Më herët, Rama tha se është ‘çmenduri’ të fajësosh Shqipërinë për problemet e emigracionit dhe krimit në Mbretërinë e Bashkuar. Ai tha se ishte ‘i neveritur’ nga përshkrimi i Sekretares së Brendshme për një ‘pushtim’ të Anglisë nga emigrantët që kalonin Kanalin e La Manshit./Opinion.al
