Patrice Evra, ish-mbrojtësi i Juventusit dhe kombëtares franceze mund të dënohet me burg. Sipas “The Sun”, Evra mund të përfundojë pas hekurave pasi ka shkelur të drejtat e njeriut.
Pas largimit të PSG nga UEFA Champions League nga Manchester United, Evra është dëgjuar të ketë përdorur fjalën “pede”.
Pas kësaj fjale e cila ka marrë konotacione si anti-homoseksuale dhe grupi i të drejtave të njeriut, “Rouge Direct” ka nisur tashmë procedime ligjoret ndaj Evras.
“Ne nuk mund të pranojmë që fyerjet nga një ish-kapiten i Francës të kalojnë. Ai ka shumë njerëz që e dëgjojnë, veçanërisht tek të rinjtë. Sanksionet dhe dënimet shembullore duhet t’u jepen atyre që mendojnë se mund të fyejnë njerëzit për shkak të seksualitetit të tyre.
“Kjo është e papranueshme dhe e dënueshme me ligj. Nëse Evra nuk e kupton se sa serioze kanë qenë fjalët e tij, ne duam që një gjyqtar t’ia kujtojë atë “.- tha Julien Pontes, zëdhënës i “Rouge Direct”.
Sipas gazetës britanike, nëse ish-mbrojtësi 37-vjeçar shpallet fajtor për fjalë homofobike, mund të dënohet më një vit burg si dhe një gjobë prej 40.000 euro./ Opinion.al E.Xh.
