Ish-lojtari i Real Madrid, Christian Karembeu ka thënë se Franca do të shpallet kampion bote këtë vit në Botërorin që do të zhvillohet në Rusi.
“Franca do të fitojë Botërorin e kësaj vere, sepse e kemi bërë diçka të tillë 20 vite më parë. Didier Deschamps ka eksperiencë dhe e njeh mirë skuadrën e tij. Luajtën finalen e një Europiani në shtëpinë e tyre. Pamë disa gjëra interesante. Ishte një kompeticion shumë emocionues. Mendoj se do të rikuperohen” ka thënë Kerembeu për Omnisport.
Por ndërkohë ai ka folur edhe për ish ekipin e tij, Real Madridin duke dhënë dhe një mendim se kush do ta fitojë Champions League këtë vit.
“As nuk është e nevojshme të më pyesni fare. Vetëm Real Madrid mund ta fitojë këtë Champions League. Nuk e di se cili ekip mund të jetë përballë Real Madrid në finalen në Kiev. Por ajo që di me siguri është se Los Blancos do të jenë atje” ka shtuar më tej francezi.
Jo vetëm kaq, por ai ka vlerësuar edhe Zidane si një lojtar fantastik që ka qënë dhe ka thënë se do të behët edhe një trajner i jashtëzakonshëm.
