Vendim antikushtetues e ka quajtur deputeti Gazment Bardhi vendimin e Kuvendit për t’i hequr imunitetin dhe për të autorizuar arrestimin apo heqjen e lirisë të Sali Berishës.
Në një reagim në rrjetet sociale, Bardhi shkruan se vendimi u mor vetëm me votat e Edi Ramës pa arsyetim dhe pa prova, teksa e konsideroi një akt të mirëfilltë politik.
“Vendimi antikushtetues i Kuvendit ndaj Sali Berishës, miratuar vetëm me votat e Edi Ramës pa arsyetim dhe prova, është akt i mirëfilltë politik. Shpërfillja e Kushtetutës dhe ligjit në rastin konkret, është standarti më i keq i vendosur në një shoqëri demokratike.
Cilido duhet të jetë i barabartë përpara ligjit, por barazia duhet të ekzistojë edhe në të drejta. Një standart për bashkëpunëtorët e Edi Ramës dhe një tjetër standart tërësisht i ndryshëm për kundërshtarët e Edi Ramës, nuk është as barazi dhe as drejtësi’’, shkruan Bardhi./Opinion.al
