Ish-kryeministri izraelit Naftali Bennett tha në një video të publikuar të shtunën se presidenti rus Vladimir Putin e siguroi atë, në ditët e para të luftës, se ai nuk do të vriste presidentin ukrainas Volodymyr Zelensky.
Bennett foli për takimin e 5 marsit 2022 me Putinin, kur ai fluturoi për në Moskë në një përpjekje për të ndërmjetësuar menjëherë pasi Rusia filloi pushtimin.
“E dija që Zelensky ishte nën kërcënim, në një bunker… I thashë Putinit, ‘A ke ndërmend ta vrasësh Zelenskyn?’ Ai tha, ‘Unë nuk do ta vras Zelensky-n’.
“Më duhet të kuptoj. A më jep fjalën se nuk do ta vrasësh Zelenskyn?”i kishte thënë sërish ai Putinit. Bennett tha se presidenti rus përsëriti: “Nuk do ta vras Zelenskyn”.
Më pas ai thote se Zelensky e pyeti nëse ishte i sigurt për këtë gjë. Ndërsa Ish-kryeministri izraelit iu përgjigj se ishte 100 për qind i sigurt se Putin nuk do ta vrasë.”
Bennett kujtoi: “Dy orë më vonë, Zelensky shkoi në zyrën e tij dhe bëri një selfie në zyrë, në të cilën tha: “Unë nuk kam frikë”.
Sipas raporteve të pakonfirmuara, tentativa të shumta për vrasje ndaj Zelenskyt janë penguar që nga fillimi i pushtimit rus. Këto komplote thuhet se kanë përfshirë mercenarë nga grupi Wagner, një kompani sigurie nën kontrollin e aleatit të Putinit, Yevgeny Prigozhin, si dhe forcat speciale çeçene.
