Ish-kryebashkiaku i Kavajës, Elvis Roshi është thirrur sot në SPAK. Roshi ka qëndruar për rreth një orë në ambientet e Prokurorisë së Posaçme, ndërsa është zbardhur dhe arsyeja e thirrjes së tij.
Sipas gazetares Klodiana Lala ish-zyrtari ka shpjeguar përpara hetuesve në lidhje me një çështje të çelur për abuzime me tendera në kohën kur ka drejtuar Bashkinë e Kavajës.
Sipas informacioneve një hetim është çelur për tenderat në kohën kur ai drejtonte këtë bashki. Në kuadër të këtij hetimi të çelur ka dhe të tjerë zyrtarë dhe ish-zyrtarë që po merren në pyetje për të pasur rezultate konkrete..
Pas daljes nga godina, Roshi nuk është ndalur për mediat, ndërsa ka tentuar që me anë të çadrës të shmangë kontaktet me gazetarët.
