Ish-kreu i Gjykatës Kushtetuese, Bashkim Dedja, ka mohuar në Gjykatën e Posaçme, akuzat për fshehje pasurie.
Në seancën e sotme, përpara togave të zeza, ai ka deklaruar se apartamenti në Golem me hapësirë 60m2 dhe një garazh po në Golem janë të vëllait dhe i ka pasur në përdorim.
Po ashtu Dedja justifikoi edhe shumën 10 mijë euro dhe apartamentin në kryeqytet. Për apartamentin ai tha se ka marrë kredi e cila i zgjat deri në vitin 2023.
“Sa i takon huasë 10 mijë euro i kam marrë nga kunati. Ai ka punuar në emigrim dhe nuk i ka deklaruar të ardhurat në vitet 2000 nga emigracioni. Për apartamentin 146 m2 në Tiranë kam marrë kredi, e cila zgjat deri në vitin 2033”.
Në seancë pati debate mes prokurorëve dhe mbrojtjes, e cila ka hedhur poshtë akuzat, duke i cilësuar të pambështetura në prova.
GJKKO vendosi të shtyjë seancën për 15 Qershor në mënyrë që t’i jepet kohë mbrojtjes të përgatisë konkluzionet.
Bashkim Dedja akuzohet për fshehje dhe mosdeklarim të pasurisë. SPAK kërkoi 1 vit burg që konvertohet për shkak të gjykimit të shkurtuar në 2 vite shërbim prove.
