Debati për origjinën e koronavirusit është rikthyer sërish në qendër të vëmendjes. Kjo pasi Sir Richard Dearlove, ish kreu i shërbimit sekret britanik, MI6, në një intervistë për gazetën “The Telegraph” deklaroi se koronavirusi u krijua nga njeriu në një laborator të Kinës, dhe është shpërndarë tek njerëzit pas një incidenti.
Dearlove e mbështet pretendimin e tij tek një studim britaniko-norvegjez, akoma i papublikuar, nga i cili rezulton se elementë kyç janë vendosur në sekuencën gjenetike të virusit dhe nuk evoluar në mënyrë natyrale. Deri në këto momente, shkencëtarët kanë ndarë gjithmonë idenë që Covid-19 ka kaluar nga speciet, me shumë mundësi nga lakuriqët e natës tek njeriu.
Por ish kreu i inteligjencës britanike thekson se shkencëtarët kinezë kanë mund të kenë kryer eksperimente sekrete tek lakuriqët e natës derisa virusi, për shkak të një incidenti, ka dalë nga laboratori i biosigurisë në Wuhan.
Studimi i akademikëve të Spitalit Universitar të Londrës dhe virologëve norvegjezë thekson se brenda ADN-së së virusit është venduar manualisht edhe një seksion që i bën të kota të gjitha përpjekjet për të zhvilluar një vaksinë./Opinion.al
