Pirro Vëngu është emëruar drejtor i Portit të Durrësit. Emërimi i tij vjen pas dorëheqjes së Agron Tares. Pirro Vëngu më parë ka qenë drejtor i anti-korrupsionit në Kryeministri. Në kohën kur Ditmir Bushati drejtonte Ministrinë e Jashtme, ai ka qenë shef kabineti.
Emri i tij në vitin 2015 doli në media, pasi teksa ishte në detyrë si shef kabineti në ministri, i erdhi një fletëthirrje nga Greqia, me arsyetimin se nuk kishte shlyer detyrimin ushtarak ne shtetin grek, detyrim për shkak të mbajtjes se pasaportës greke.
Në kohen kur erdhi thirrja nga Greqia, Vëngu ishte rreth 30 vjeç dhe sipas ligjit të shtetit fqinj ky shërbim kryhet deri në moshën 40 vjeçare.
Legjislacioni në Athinë parashikon kryerjen e shërbimit ushtarak për 3 muaj dhe prej tij mund të shmangen vetëm ata që kanë probleme shëndetësore./ Opinion.al
