Një komandant i marinës ruse u qëllua për vdekje teksa po vraponte të hënën në qytetin Krasnodar të Rusisë.
Sipas CNN ai mund të jetë shënjestruar nga një sulmues që e gjurmonte në një aplikacion popullor vrapimi.
Agjencia shtetërore e lajmeve TASS, tha se “motivi i krimit është duke u hetuar”.
Të dyshuarit për vdekjen e Rzhitsky janë identifikuar, tha TASS. Mediat ruse më vonë raportuan se vrasësi i Rzhitsky mund të ketë përdorur Strava, një aplikacion gjerësisht i disponueshëm i përdorur nga vrapuesit dhe çiklistët, për të ndjekur lëvizjet e tij.
Një media ruse, Tsargrad, tha se sulmuesi “e kishte planifikuar vrasjen me aq kujdes sa momenti i sulmit nuk u shfaq në asnjë kamera sigurie”. “Vrasësi priste në park pranë kompleksit sportiv “Olympus”, ku Rzhitsky bënte rregullisht vrapime në mëngjes. Burri ka vdekur në vend, ndërsa autori është në arrati”.
Këshilltari i Ministrisë së Brendshme të Ukrainës, Anton Gerashchenko, shkroi në Twitter se mediat ruse po akuzonin Ukrainën për përfshirje, por as nuk pohoi dhe as nuk i mohoi këto akuza.
