Ish-i fejuari i Paris Hilton, Chris Zylka, duket është ende i dashuruar pas saj. Dy muaj pasi i dhanë fund fejesës, aktori dëshiron që të bashkohet sërish me trashëgimtaren e njohur.
“Ai është tmerrësisht i dashuruar me Paris-in dhe nuk dëshiron asgjë më shumë sesa të kthehet sërish me të. Ai vazhdon t’u thotë miqve se ajo është dashuria e jetës së tij”, tha një burim i afërt me Chris, për “Daily Mail”.
Paris dhe Chris u njohën në vitin 2017 dhe dukeshin të pandashëm në daljet publike. Ata u fejuan në fillim të vitit 2018 në Aspen dhe deklaruan se do të organizonin një dasmë madhështore në vjeshtë.
Por në nëntor të vitit 2018, konfirmuan zyrtarisht ndarjen duke hequr kështu dorë nga martesa e planifikuar. Pas ndarjes gjërat u tensionuan aq shumë sa Chris i kërkoi unazën gjigande me diamant që i dha për fejesë, e cila kapte vlerën prej 2 milionë dollarë./E.M
