Ditën e djeshme mediat botërore dhanë lajmin e hidhur se këngëtari Mac Miller ishte gjendur i pajetë në shtëpinë e tij në Los Angeles. Deri më tani mendohet se shkak për vdekjen e tij ka qenë mbidoza, pasi Miller gjithmonë ka pasur probleme me varësinë ndaj drogës. Një numër i madh njerëzish bënë përgjegjëse për këtë ngjarje ish të dashurën e tij, këngëtaren Ariana Grande.
Njerëzit kanë lënë komente të shumta kudo nëpër rrjetet sociale duke e akuzuar Ariana-n se ndarja e tyre dhe fejesa e saj me Pete Davidson, pak kohë pas ndarjes, ishte shkaku që e kishte çuar atë drejt mbidozës. Por edhe pse ishin të ndarë, Grande dhe Miller ruanin respekt dhe kishin premtuar se do ta mbështesin gjithmonë njëri-tjetrin, madje direkt pas ndarjes Ariana na përloti me dedikimin që bëri për Miller, ku shkruhej se ai ishte një nga njerëzit e saj të preferuar dhe që do e mbështeste githmonë.
Para disa orësh, Ariana ka reaguar për herë të parë pas kësaj ngjarje dhe ka zgjedhur të mos u përgjigjet këtyre akuzave absurde. Këngëtarja ka postuar në profilin e saj në Instagram një foto të Mac Miller bardh e zi, pa shkruar asgjë. Po ashtu, ajo i ka bllokuar komentet në këtë foto dhe është diçka që pritej pas sulmit virtual të ndjekësve.
