Mehmet Dragusha, ish-lojtari i Kombëtares shqiptare, mendon se Milot Rashica ka zgjedhur Kosovën sherri i Gianni De Biasit. Lajmi i largimit të tre lojtarëve të Kombëtares shqiptare drejt përfaqësueses së Kosovës ka bërë xhiron e mediave dhe ka qenë ndër më të komentuarit.
Zyrtarisht, Milot Rashica, Herolind Shala dhe Alban Meha vendosën që të luajnë për Kosovën në të ardhmen.
“Është vendimi i gjithsecilit dhe duhet respektuar. Rashica, Shala apo edhe Meha kanë vendosur tashmë dhe nuk duhen gjykuar apo treguar me gisht se bënë këtë zgjedhje. Duhet vetëm t’i përkrahim për vendimin që kanë marrë dhe të realizojnë më të mirën e tyre me përfaqë- suesen që do të luajnë”, është shprehur fillimisht Dragusha”.
“Për sa i përket Milot Rashicës, mendoj se ka qenë një gabim i madh që është lënë jashtë Kombëtares. Nëse De Biazi e ka vlerësuar sulmuesin, ashtu siç ka bërë edhe sot (dje) pasi u bë publik vendimi i futbollistit, ta kishte marrë në Europianin e Francës. Është gabimi i De Biazit që nuk e mori në ‘Euro 2016’ dhe në këtë mënyrë ai mori vendimin e tij për të ardhmen”.
Gjithashtu, ka pasur edhe arsye të tjera mendoj. Është një futbollist që ka lindur në Kosovë dhe ka spikatur pikërisht në kampionatin kosovar si lojtar. Më pas bëri kapërcimin e madh në Holandë dhe aty po shkëlqen me klubin e tij. Një futbollist që shënon kaq shumë gola në një kampionat të fortë si ai holandez dhe nuk thirret nga trajneri në Kombëtare, nuk më duket shumë vendim i drejtë”, përfundoi prononcimin e tij Dragusha.
