Ish-drejtori i RTSH Thoma Gëllçi, nëpërmjet avokatit të tij ka paditur RTSH se nuk ka hapur garën për drejtues pas shkarkimit të Gëllçit nga detyra.
Lajmi bëhet i ditur nga ABCNews, teksa kujtojmë se ditën e sotme Gëllçi dhe ish vartësit e tij kanë dalë sot para Gjykatës së Posaçme për vlerësimin e masës se sigurisë “Arrest në burg”, për abuzimin me tendera.
Njoftohet se padia kundrjetë RTSH-së është kryer nga avokati i Gëllçit, Dorjan Matlia.
Gëllçi përfundoi në pranga pasi u zbulua tenderi me vlerë mbi 86 milionë Lekë për blerje të pajisjeve për kanalin “RTSH Agro”. Fillimisht shkeljet u kallëzuan nga kompania humbëse dhe më pas u konstatuan edhe nga një audit i Kontrollit të Lartë të Shtetit duke nxjerrë kështu përpara Gjykatës ish-drejtorin dhe disa prej vartësve të tij./Opinion.al
