Ish-Drejtoresha e Tatimeve Briseida Shehaj ka reaguar ashpër në lidhje me deklaratat e deputetit të LSI-së Ralf Gjoni.
Në hyrje të Parlamentit, Ralf Gjoni që sot u betua zyrtarisht si deputet, tha se nuk e pranoi mandatin për “një rrogë të qelbur shteti”.
E menjëhershme ka qenë përgjigja e Shehajt, që nëpërmjet një statusi në rrjetet sociale ka thënë se 1,6 milionë lekë të vjetra deputetit të ri i duken “të qelbura”, duke e quajtur “parazit”.
“Në daljen e parë si deputet ky individi fyen taksat tona duke thënë se 1.6 mln lekë neto na qenkan të qelbura në Shqipëri. Ky individi që i kushtoi LSI rezultatin më të dobët në Tiranë (njësia 3). Ky individi që na qenka me dy pasaporta dhe i shkolluar jashtë, ta kishte bërë këtë deklaratë andej e kishin nxjerrë me shpulla jashtë parlamentit. (Gjithsesi dhe këtë se ka problem ky se e ka të provuar). Mjerë taksat tona që i hanë deputetë parazitë”, ka shkruar Briseida Shehaj./Opinion.al
