Ish-deputeti Mark Frroku nga qelia ka depozituar kërkesë në gjykatë për të marrë leje votimi.
Kërkesa e Frrokut është e para që ka mbërritur në gjykatë nga të burgosurit. Ai i kërkon gjykatës që të saktësojë qendrën e votimit.
Kjo kërkesë bëhet pasi Frroku mund të figurojë edhe në qendrën e votimit ku ka adresën e shtëpisë, ndërsa në kushtet kur ndodhet i burgosur për shkak të dënimit që ka marrë për fshehje të pasurisë dhe ndërtim të paligjshëm, votimi do të bëhet brenda ambienteve të burgut.
Kërkesa, pas hedhjes së shortit do të gjykohet nga gjyqtarja Oltiona Goxha, e cila pritet të përcaktojë edhe datën e shqyrtimit.
