Ish-deputeti i PS-së, Vladimir Kosta është thirrur ditën e sotme në SPAK ku është marrë në pyetje nga prokurorët e posaçëm.
Pas daljes nga ambientet e SPAK-ut, ish-ligjvënësi socialist refuzoi të tregonte për mediat mbi çështjen që u thirr në Prokurorinë e Posaçme.
Ai tha se nuk mund të japë detaje në lidhje me faktin se përse u pyet nga prokurorët e posaçëm, pasi është një çështje nën hetim.
“Nuk mund të flas. Çështja është nën hetim. Nuk mund të flas”, ka thënë Kosta.
Mësohet se ai dëshmoi për hetimet ndaj Veliajt dhe bashkëshortes së tij, Ajola Xoxës. “Sky Tower” është kulla e Kostës dhe pikërisht aty Xoxa ka zyrat e ‘Harabel’.
