Numri i të infektuarve me Covid në Shqipëri rritet me rreth 100 në ditë dhe kjo sa vjen edhe e bën më të pasigurt jetën e qytetarëve jo vetëm nga ana shëndetësore por edhe nga ana ekonomike.
Megjithatë, pikërisht në këtë periudhë, janë pushuar nga puna 73 punonjës të Shërbimit Laboratorik Imunologjik, Klinik Biokimik dhe Mikrobiologjik.
Ish-deputeti i LSI, Vangjel Tavo ka publikuar njoftimin e Drejtorisë së Burimeve Njerëzore në QSUNT në të cilin thuhet se si pasojë e kontratës konçesionare të prillit të vitit 2019, për ofrimin e shërbimeve laboratorike në QSUNT, 73 mjekë, laborantë, biologë, infermier dhe kujdestar kafshësh, do të pushohen nga puna duke nisur nga data 28 korrik i këtij viti.
“Vazhdojnë PPP-të dhe ja dëmi ndaj bluzave të bardha – 73 të larguar nga puna! Ky është shpërblimi që qeveria e paaftë u jep bluzave të bardha. Heronjtë e heshtur hiqen nga puna e detyrohen nga ky shtet të emigrojnë në Gjermani e në vende të tjera. Turp! Mbroni bluzat e bardha dhe jo PPP-të tuaja tek të cilat jeni vërsulur me garuzhde. Turp! VT”, shkruan Tavo. /Opinion.al
