Ish- Bateristi i grupit legjendar të rrokut “Guns N’Roses” Steven Adler ka tentuar t’i japë fund jetës. Sipas mediave të huaja ai ka therrur veten e tij me thikë në stomak në shtëpinë e tij në Los Angelos.
“TMZ” ka bërë të ditur se ishte një telefonatë nga shtëpia e muzikantit ajo që i shpëtoi jetën, duke thirrur urgjencën e cila mundi të çojë Adler-in në spital, ku ai gjendet tani jashtë rrezikut për jetën.
Ai është i njohur për fansat e rrokut, veçanërisht si pjesëtari i përjashtuar nga Guns N’ Roses në 1990-ën, prej problemeve të varësisë ndaj narkotikëve. Pas largimit nga grupi ai ra në depresion, ndërkohë që varësia ndaj narkotikëve u thellua.
Ish- shokët e grupit u përpoqën ta bënin të ndihej më mirë, duke e vendosur emrin e tij krah emrave të tyre në Bulevardin e Famës në Rock n’ Roll në 2012-ën.
Gjithashtu ai është arrestuar disa herë për posedim të heroinës./Opinion.al/
