Alba Çobaj, ish-konkurrentja e “Big Brother Albania” dhe ish-moderatorja e In Tv, u vu në qendër të vëmendjes ditën e sotme për shkak të arsyes së largimit nga programi që drejtonte.
Ishte një video “live” ajo që “ndezi” lajmet se arsyeja ishte Kelvi me Sarën, por Alba ka zgjedhur të tregojë personalisht se si qëndron e vërteta.
Blitz.al kontaktoi me Albën dhe mësoi se arsyeja e vërtetë nuk ishin Kelvi dhe Sara, por mosmarrëveshja me drejtuesit e TV, të cilët nuk iu përmbajtën planit për të bërë një format më të madh dhe më të mirë. Sipas Albës, ajo kishte diskutuar me drejtuesit dhe kishin vendosur të bënin një format paksa ndryshe, për të cilin ajo do të ishte autore dhe prezantuese. Pas mosmarrëveshjeve, ajo vendosi të largohej në kompromis me drejtuesit e TV dhe të mos e bënte më emisionin e saj. Sidoqoftë, tashmë për Albën kjo histori është e mbyllur dhe nuk do as ta rikujtojë, por duke qenë se lajmi i sotëm për arsyet e largimit i referohej përgjigjes së Çobës gjatë videos “live”, ajo vendosi të prononcohej për arsyet e vërteta.
Fundja, duke njohur karakterin e Albës, duket që përgjigjja që ish-banorja e “Big Brother” i ka dhënë komentuesit lidhur me largimin nga televizioni ka qenë në sensin e një shakaje. /Blitz/
