“One Direction” i cili u formua në talent show-n X-Factor ishte një nga grupet më të njohura dhe më të dashura që menjëherë fitoi zemrën e publikut dhe arriti në pak kohë në majë të klasifikimeve me këngët e tyre.
Por djemtë e këtij grupi vendosën që të ndahen dhe secili të vijonte karrierën solo, po ashtu mjaft të suksesshme.
Gjatë një interviste të dhënë kohët e fundit, një nga ish-anëtarët e ‘One Direction”, Liam Payne, i cili ka qenë në qendër të vëmendjes edhe prej jetës private, u shpreh rreth problemeve që ata kanë patur dikur me famën.
“Kur bën me qindra koncerte dhe janë po ato 22 këngë të njëjta çdo ditë, edhe nëse nuk je i lumtur duhet të dalësh në skenë. Ne kemi kaluar shumë bukur bashkë, por duhet ta pranoj se kishte kohë që gjërat bëheshin toksike”,-u shpreh ai.
Sipas Liam personat që janë pjesë e industrisë së muzikës janë të prirur të kenë probleme mendore apo depresioni dhe sidomos ata që kanë një nivel fame të lartë si ai që pati “One Direction”./Opinion.al/
