Është zhvilluar këtë të hënë në Gjykatën e Apelit të Posaçëm seanca për çështjen e Luan Dacit, ish-anëtar i KPA.
Gjatë seancës avokatët kanë bërë mbrojtjen dhe kanë paraqitur argumentet duke theksuar se nuk ka vepër penale.
Ndërkohë, Gjykata vendosi që seanca e radhës të mbahet më 5 shkurt. Mësohet se seanca është shtyrë për konkluzione të prokurorisë.
Kujtojmë se Luan Daci u dënua nga shkalla e parë me 1 vit shërbim prove dhe pezullim nga detyra me akuzën e falsifikimit të dokumenteve. Ai e ka apeluar vendimin, duke kërkuar pafajësi në Apel./Opinion.al
